పాకిస్థాన్‌లో రాజకీయ సెగలు రాజుకుంటున్నాయి. షెహబాజ్ షరీఫ్ ప్రభుత్వ వైఫల్యాలకు నిరసనగా ఫిబ్రవరి 8, 2026న దేశవ్యాప్త బంద్‌కు విపక్ష కూటమి (TTAP) పిలుపునిచ్చింది. 2024 ఎన్నికలలో అక్రమాలు జరిగాయని ఆరోపిస్తూ ఆ రోజును ‘బ్లాక్ డే’గా ప్రకటించారు. ఈ నిరసనలను పాకిస్థాన్‌లోనే కాకుండా లండన్ వంటి అంతర్జాతీయ నగరాల్లో కూడా చేపట్టాలని విపక్షాలు నిర్ణయించాయి.

ప్రధానంగా పీటీఐ సహా ఇతర పక్షాలు పారదర్శకమైన ఎన్నికలు నిర్వహించాలని మరియు ఎన్నికల కమిషనర్ నియామకం స్వతంత్రంగా ఉండాలని డిమాండ్ చేస్తున్నాయి. మాజీ ప్రధాని ఇమ్రాన్ ఖాన్, ఆయన భార్య బుష్రా బీబీలను వెంటనే విడుదల చేయాలని కోరారు. ప్రస్తుత ప్రభుత్వ అసమర్థత వల్లే దేశం ఆర్థిక సంక్షోభంలో కూరుకుపోయిందని, రాజకీయ అస్థిరత పెరిగిందని విపక్ష నేతలు మండిపడ్డారు.