రాజస్థాన్‌లోని బికనీర్‌లో నివసిస్తున్న ఒక విదేశీ మహిళపై లైంగిక దాడి జరిగిన ఉదంతం కలకలం రేపుతోంది. ఆగస్టు 2న ఒక ఈవెంట్ మేనేజర్ ఆమెను డిన్నర్ సాకుతో హోటల్‌కు తీసుకెళ్లి, అక్కడ గదిలో బంధించి అత్యాచారానికి పాల్పడ్డాడు. బాధితురాలు పోలీసులకు ఫిర్యాదు చేయడంతో ఈ దారుణం వెలుగులోకి వచ్చింది.

పోలీసులు నిందితుడిని అదుపులోకి తీసుకుని హోటల్ లోని ఆధారాలను సేకరిస్తున్నారు. బాధితురాలికి వైద్య పరీక్షలు నిర్వహిస్తూ కేసును నిశితంగా దర్యాప్తు చేస్తున్నారు. గతంలో ఉదయపూర్ మరియు చురు ప్రాంతాల్లో కూడా విదేశీ మహిళలపై ఇలాంటి దాడులు జరగడం పట్ల స్థానికంగా ఆందోళన వ్యక్తమవుతోంది.