థాయిలాండ్ మరియు కంబోడియా మధ్య నెలకొన్న సరిహద్దు వివాదానికి ప్రస్తుతానికి తెరపడిందని అమెరికా అధ్యక్షుడు డోనాల్డ్ ట్రంప్ ప్రకటించారు. ఇరు దేశాలు శాంతి ఒప్పందానికి అంగీకరించాయని, యుద్ధ వాతావరణాన్ని తగ్గించడానికి నాయకులు తీసుకున్న నిర్ణయం ప్రశంసనీయమని ఆయన పేర్కొన్నారు. సమయానికి తగిన నిర్ణయం తీసుకోకపోతే ఈ ఘర్షణ మరింత తీవ్రమయ్యేదని ట్రంప్ తన సోషల్ మీడియా వేదికగా అభిప్రాయపడ్డారు.

ఈ శాంతి ప్రక్రియలో అమెరికా కీలక పాత్ర పోషించిందని చెబుతూ ట్రంప్ ఒక ఆసక్తికర వ్యాఖ్య చేశారు. గత పదకొండు నెలల్లో ప్రపంచవ్యాప్తంగా ఎనిమిది ప్రధాన సంఘర్షణలను అమెరికా అడ్డుకుందని ఆయన వెల్లడించారు. ఐక్యరాజ్యసమితి తన బాధ్యతలను సక్రమంగా నిర్వహించడంలో విఫలమవుతోందని విమర్శిస్తూ, ప్రస్తుతం అమెరికాయే ‘నిజమైన ఐక్యరాజ్యసమితి’ లాగా పని చేస్తోందని ట్రంప్ వ్యాఖ్యానించారు.