తెలంగాణలో సంచలనం సృష్టించిన ఫోన్ ట్యాపింగ్ కేసులో కీలక మలుపు తిరిగింది. మాజీ SIB చీఫ్ ప్రభాకర్ రావు, ప్రముఖ మీడియా సంస్థ అధినేత శ్రవణ్ కుమార్‌లకు రెడ్ కార్నర్ నోటీసులు జారీ అయ్యాయని అధికారులు వెల్లడించారు. ఈ నోటీసుల నేపథ్యంలో కేంద్ర దర్యాప్తు సంస్థ CBI నుంచి రాష్ట్ర సీఐడీకి కీలక సమాచారం అందింది.

వారిద్దరినీ భారత్‌కు తిరిగి రప్పించేందుకు కేంద్ర హోంశాఖ, విదేశాంగ శాఖలతో హైదరాబాద్ పోలీసులు సంప్రదింపులు జరుపుతున్నారు. ఈ కేసు రాష్ట్ర రాజకీయ వర్గాల్లో ఉత్కంఠ రేపుతుండగా, దర్యాప్తు మరింత వేగంగా ముందుకు సాగుతోంది. ట్యాపింగ్ ఆరోపణలపై ఇప్పటికే అనేక మంది అధికారులను ప్రశ్నించిన అధికారులు, నిందితుల అరెస్ట్‌కు అవసరమైన అన్ని చర్యలను వేగవంతం చేశారు.