ప్రధాని మోదీ పర్యటన ముగిసిన వెంటనే కేంద్ర హోంమంత్రి అమిత్ షా పశ్చిమ బెంగాల్‌లో పర్యటించనున్నారు. డిసెంబర్ 29 సాయంత్రం కోల్‌కతా చేరుకోనున్న ఆయన, సాల్ట్ లేక్‌లోని బిజెపి కార్యాలయంలో కోర్ కమిటీ మరియు ఎన్నికల కమిటీతో కీలక సమావేశం నిర్వహిస్తారు. రాబోయే ఎన్నికల వ్యూహరచనపై ఈ భేటీలో చర్చించనున్నారు.

డిసెంబర్ 30న మీడియా ప్రతినిధులతో మాట్లాడిన అనంతరం ఆర్‌ఎస్‌ఎస్‌ నేతలతో సమన్వయ సమావేశంలో పాల్గొంటారు. పర్యటన చివరి రోజైన డిసెంబర్ 31న ఇస్కాన్ ఆలయాన్ని సందర్శించి, పార్టీ ఎమ్మెల్యేలు మరియు ఎంపీలతో సమావేశమవుతారు. అనంతరం సైన్స్ సిటీలో జరిగే బిజెపి మహాసమ్మేళనానికి హాజరై శ్రేణులకు దిశానిర్దేశం చేయనున్నారు.