రాజస్థాన్‌లోని అల్వార్‌లో నిశ్చితార్థం జరిగిన తర్వాత తన కాబోయే భార్యతో అసభ్యంగా ప్రవర్తించిన ఒక యువకుడిని పోలీసులు అరెస్ట్ చేశారు. జూన్ 23న బాలిక కుటుంబ సభ్యులు పొలానికి వెళ్లిన సమయంలో, సదరు యువకుడు రహస్యంగా ఆమె ఇంటికి చేరుకున్నాడు. అక్కడ బాలికపై బలవంతంగా అత్యాచారానికి పాల్పడినట్లు అభియోగాలు నమోదయ్యాయి. కుటుంబ సభ్యులు తిరిగి రావడం చూసి నిందితుడు అక్కడి నుండి పరారయ్యాడు.

ఆదర్శ్ నగర్ పోలీసులు ఈ ఘటనపై కేసు నమోదు చేసి నిందితుడిని అదుపులోకి తీసుకున్నారు. బాధితురాలు మైనర్ అని, త్వరలోనే వివాహం చేసేందుకు నిశ్చితార్థం జరిగిందని పోలీసులు తెలిపారు. గతంలో వీరిద్దరూ ఫోన్‌లో మాట్లాడుకునేవారని సమాచారం. పెళ్లికి ముందే జరిగిన ఈ ఘటన స్థానికంగా కలకలం రేపింది, పోలీసులు పూర్తి స్థాయిలో దర్యాప్తు చేస్తున్నారు.