నిద్రలో గురక పెట్టడం గాఢ నిద్రకు చిహ్నం కాదని, అది ప్రాణాంతక క్యాన్సర్‌కు దారితీసే ప్రమాదం ఉందని పరిశోధకులు హెచ్చరిస్తున్నారు. స్వీడన్‌లోని ఉప్సల విశ్వవిద్యాలయ శాస్త్రవేత్తల ప్రకారం, ‘అబ్స్ట్రక్టివ్ స్లీప్ అప్నియా’ (OSA) సమస్య ఉన్నవారిలో క్యాన్సర్ వచ్చే అవకాశం ఎక్కువగా ఉంది. బార్సిలోనాలో జరిగిన ఒక శాస్త్ర విజ్ఞాన సదస్సులో శాస్త్రవేత్త ఆండ్రియస్ పామ్ ఈ వివరాలను వెల్లడించారు. సుమారు 4,200 మంది రోగులపై ఐదేళ్లపాటు జరిపిన పరిశోధనలో, వారిలో సగం మంది క్యాన్సర్ బారిన పడినట్లు గుర్తించారు.

నిద్రలో శ్వాసనాళం మూసుకుపోవడం వల్ల రక్తంలో ఆక్సిజన్ స్థాయిలు వేగంగా తగ్గుతాయి. రక్తంలో ఆక్సిజన్ కొరత ఏర్పడటం వల్ల శరీరంలోని ఆరోగ్యకరమైన కణాలు క్యాన్సర్ కణాలుగా మారతాయని శాస్త్రవేత్తలు భావిస్తున్నారు. గతంలో ఊబకాయం లేదా మధుమేహం వల్ల మాత్రమే క్యాన్సర్ వస్తుందని అనుకునేవారు, కానీ ఈ పరిశోధన ద్వారా గురక కూడా ప్రధాన కారణమని తేలింది. అందుకే గురక సమస్యను నిర్లక్ష్యం చేయకుండా వెంటనే వైద్యులను సంప్రదించడం శ్రేయస్కరం.