హిందూ ధర్మశాస్త్రాల్లోని 18 మహాపురాణాలలో గరుడ పురాణం అత్యంత కీలకమైనది. శ్రీమహావిష్ణువు మరియు పక్షిరాజు గరుడుని మధ్య జరిగిన సంభాషణ ఆధారంగా రూపొందిన ఈ పురాణం మనిషి మరణానంతరం ఆత్మ ఎదుర్కొనే పరిస్థితులను వివరిస్తుంది. వ్యక్తి జీవించి ఉన్నప్పుడు చేసే పాప పుణ్యాల ఆధారంగానే స్వర్గ నరకాలు లభిస్తాయని ఈ పురాణం చెబుతోంది. గరుడ పురాణం ప్రకారం మొత్తం 36 రకాల నరకాలు ఉన్నాయి, ఇందులో చేసిన తప్పును బట్టి వేర్వేరు శిక్షలు ఉంటాయి.

ముఖ్యంగా స్వార్థం కోసం మూగజీవాలను చంపే వారికి ‘కుంభీపాకం’ నరకంలో శిక్ష పడుతుంది. అటువంటి ఆత్మలను మరుగుతున్న నూనెలో వేసి వేయించడం వల్ల వారు భరించలేని వేదనను అనుభవిస్తారు. అలాగే పెద్దలను గౌరవించకుండా అవమానించే వారికి ‘కాలసూత్రం’ నరకంలో కఠిన శిక్షలు ఉంటాయి. ఈ నరకంలో పాపి ఆత్మను నిప్పుల కొలిమిలో వేసి మాడ్చడం వంటి భయంకరమైన శిక్షలు మళ్ళీ మళ్ళీ అమలు చేయబడతాయని గరుడ పురాణం హెచ్చరిస్తోంది.