పాకిస్థాన్‌తో సత్సంబంధాలు ప్రస్తుతానికి అసాధ్యమని జమ్మూ కాశ్మీర్ ముఖ్యమంత్రి ఒమర్ అబ్దుల్లా స్పష్టం చేశారు. ఉగ్రవాద చర్యల వల్ల చర్చలకు అనుకూల వాతావరణం లేదని, దీనికి పాకిస్థానే బాధ్యత వహించాలని ఆయన పేర్కొన్నారు. సరిహద్దుల్లో ఉద్రిక్తతలు తగ్గకుండా ముందడుగు వేయడం కష్టమని ఆయన అభిప్రాయపడ్డారు.

కేంద్ర ప్రభుత్వంతో సంబంధాల విషయంలో ఒమర్ ఆసక్తికర వ్యాఖ్యలు చేశారు. కేంద్రం ప్రతిపక్ష పాలిత రాష్ట్రాలపై కక్షసాధింపు చర్యలకు పాల్పడలేదని, పైగా బడ్జెట్ కంటే ఎక్కువ నిధులు ఇచ్చి ఆదుకుందని తెలిపారు. పరిపాలనాపరమైన సవాళ్లు ఉన్నప్పటికీ, ఆర్థిక సహకారం విషయంలో మోదీ ప్రభుత్వం ఎంతో ఉదారంగా వ్యవహరించిందని కొనియాడారు.