దక్షిణాఫ్రికాతో జరుగుతున్న నాలుగో టీ20 మ్యాచ్‌లో టీమిండియా ఓపెనర్ అభిషేక్ శర్మ సరికొత్త చరిత్ర సృష్టించేందుకు సిద్ధమయ్యారు. ఒక క్యాలెండర్ ఇయర్‌లో అత్యధిక టీ20 పరుగులు చేసిన విరాట్ కోహ్లీ రికార్డును అధిగమించడానికి అభిషేక్ మరో 47 పరుగుల దూరంలో ఉన్నారు. 2025లో ఇప్పటికే 1568 పరుగులు సాధించిన ఆయన, నేడు లక్నోలో కోహ్లీ పేరిట ఉన్న 1614 పరుగుల రికార్డును దాటే అవకాశం ఉంది.

ప్రస్తుతం సిరీస్‌లో 2-1తో ముందంజలో ఉన్న భారత్, ఈ మ్యాచ్ నెగ్గి సిరీస్ కైవసం చేసుకోవాలని భావిస్తోంది. ఈ ఏడాది మూడు సెంచరీలు బాదిన అభిషేక్ ఫామ్ జట్టుకు కీలకం కానుంది. రాత్రి 7 గంటలకు ప్రారంభమయ్యే ఈ పోరులో యంగ్ సెన్సేషన్ అభిషేక్ శర్మ పాత రికార్డులను తిరగరాస్తారో లేదో అని అభిమానులు ఆసక్తిగా ఎదురుచూస్తున్నారు.