ఐపిఎల్ 2026 వేలంలో ఆస్ట్రేలియా స్టార్ ఆల్ రౌండర్ కేమరూన్ గ్రీన్ రికార్డు ధర పలికారు. భారీ పోటీ మధ్య కోల్‌కతా నైట్ రైడర్స్ ఏకంగా 25.20 కోట్ల రూపాయలు వెచ్చించి గ్రీన్‌ను సొంతం చేసుకుంది. ఈ వేలంలో రాజస్థాన్ రాయల్స్ మరియు చెన్నై సూపర్ కింగ్స్‌తో జరిగిన హోరాహోరీ బిడ్డింగ్ వార్‌ లో చివరికి కేకేఆర్ విజయం సాధించి గ్రీన్‌ను తమ జట్టులోకి తెచ్చుకుంది.

టి20 ఫార్మాట్‌లో 151కి పైగా స్ట్రైక్ రేట్‌తో రాణిస్తున్న గ్రీన్, బ్యాటింగ్ మరియు బౌలింగ్‌లో అద్భుతమైన నైపుణ్యం కలిగిన ఆటగాడు. గత ఐపిఎల్ సీజన్లలో సెంచరీతో మెరిసిన ఈ ఆసీస్ ప్లేయర్ రాకతో కేకేఆర్ లైనప్ మరింత బలోపేతం కానుంది. ఐపిఎల్ చరిత్రలో అత్యంత ఖరీదైన విదేశీ ఆటగాళ్లలో ఒకరిగా గ్రీన్ ఇప్పుడు నిలిచారు.