ప్రైవేట్ సంస్థల ఉద్యోగుల ప్రావిడెంట్ ఫండ్ (పీఎఫ్) పొదుపుపై వచ్చే పెట్టుబడి లాభంలో కొంత భాగాన్ని ఖాతాదారులు పూర్తిగా పొందలేకపోవచ్చు. ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) పెట్టుబడుల ద్వారా వచ్చే లాభంలో పెద్ద భాగాన్ని వడ్డీగా పంపిణీ చేయకుండా, ‘వడ్డీ స్థిరీకరణ రిజర్వ్’ (Interest Stabilisation Reserve) అనే ప్రత్యేక నిధికి తరలించాలని ప్రతిపాదించింది. కేంద్ర ట్రస్టీల బోర్డుకు సమర్పించిన ఈ ప్రతిపాదన ఖరారైతే, సాధారణ ప్రజల కష్టార్జిత డబ్బుపై వచ్చే రాబడికి ఆటంకం కలగవచ్చు.

భవిష్యత్తులో వడ్డీ రేట్లను స్థిరీకరించడానికి ఈ నిధి సహాయపడుతుందని EPFO ​​వాదిస్తోంది. అయితే, దాదాపు రూ. 2.5 లక్షల కోట్ల వరకు తరలించే ఈ భారీ అధికారం ద్వారా కేంద్రం ఖాతాదారుల వడ్డీ రేట్లను తగ్గించాలని చూస్తోందా అనే ప్రశ్నలు తలెత్తుతున్నాయి. కొత్త ప్రతిపాదన ప్రకారం, వడ్డీ రేటు గత మూడు సంవత్సరాల సగటు వడ్డీ రేటు కంటే గరిష్టంగా ఒక శాతం మాత్రమే అటూఇటూగా ఉండాలి.