ఐపీఎల్ 2026 మినీ వేలానికి కొద్ది రోజుల ముందు 9 మంది క్రికెటర్లకు భారీ ఎదురుదెబ్బ తగిలింది. డిసెంబర్ 16న అబుదాబిలో జరగనున్న వేలం తుది జాబితా నుండి ఈ 9 మంది ఆటగాళ్ల పేర్లను తొలగించారు. మొదట 350 మంది ఆటగాళ్లు జాబితాలో ఉండగా, ఆలస్యంగా వీరిని చేర్చడం వలన మొత్తం సంఖ్య 359కి పెరిగింది. అయితే, డిసెంబర్ 13 శనివారం నుండి ఈ 9 మంది ఆటగాళ్ల పేర్లు జాబితాలో కనిపించడం లేదు.

తొలగించబడిన ఆటగాళ్లలో 6 గురు భారతీయులు మరియు 3 గురు విదేశీ ఆటగాళ్లు ఉన్నారు. భారతీయులలో మణి శంకర్ మూరా సింగ్, చామా మిలింద్ మరియు గతంలో సన్‌రైజర్స్ హైదరాబాద్ తరపున ఆడిన విరాట్ సింగ్ ముఖ్యులు. విదేశీ ఆటగాళ్లలో ఆస్ట్రేలియాకు చెందిన క్రిస్ గ్రీన్, దక్షిణాఫ్రికాకు చెందిన ఈథన్ బాష్ ఉన్నారు. వేలం జాబితా నుండి వీరిని తొలగించడానికి గల కారణాలపై ఐపీఎల్ అధికారులు ఇప్పటివరకు ఎలాంటి అధికారిక ప్రకటన చేయలేదు.