మొరాదాబాద్: భారత సైన్యంలో పనిచేస్తున్న జవాన్ భార్య ఒంటరిగా ఉన్న సమయంలో ఇంట్లోకి చొరబడి అత్యాచారానికి పాల్పడటమే కాకుండా, దాన్ని వీడియో తీసి బ్లాక్‌మెయిల్ చేసినట్లు పొరుగు యువకుడిపై ఆరోపణలు వచ్చాయి. ఉత్తరప్రదేశ్‌లోని మొరాదాబాద్ సివిల్ లైన్స్ పోలీస్ స్టేషన్ పరిధిలో ఈ దారుణం జరిగింది. నిందితుడిని హితేష్‌గా గుర్తించారు, అతను అదే ప్రాంతానికి చెందినవాడు.

పోలీసులకు ఇచ్చిన ఫిర్యాదు ప్రకారం, నవంబర్ 22న మొదటిసారి నిందితుడు ఇంట్లోకి చొరబడి 32 ఏళ్ల బాధితురాలిపై అత్యాచారం చేశాడు. ఆ తర్వాత, వీడియోను సోషల్ మీడియాలో వైరల్ చేస్తానని బెదిరించాడు. డిసెంబర్ 8న మళ్లీ అదే ప్రయత్నం చేయగా, బాధితురాలు ధైర్యం చేసి పోలీస్ స్టేషన్‌లో ఫిర్యాదు చేసింది. ఐపీసీ 376 మరియు ఐటీ చట్టంతో సహా పలు సెక్షన్ల కింద పోలీసులు కేసు నమోదు చేసి, పరారీలో ఉన్న హితేష్ కోసం గాలిస్తున్నారు.