బంగ్లాదేశ్ మాజీ ప్రధాని షేక్ హసీనా జీవితంలో నవంబర్ 17 చాలా ముఖ్యమైన రోజు. ఎందుకంటే, అంతర్జాతీయ నేరాల ట్రిబ్యునల్ (ICT) అదే రోజు ఆమెకు మరణశిక్షను ప్రకటించింది. సరిగ్గా 58 సంవత్సరాల క్రితం, 1967 నవంబర్ 17న, ఆమె ప్రముఖ బెంగాలీ భౌతిక శాస్త్రవేత్త డా. ఎం.ఏ. వాజెద్ మియాను వివాహం చేసుకున్నారు. ఆమె వివాహ వార్షికోత్సవం రోజునే కోర్టు తీర్పు రావడంతో, సోషల్ మీడియాలో తీవ్ర చర్చ మొదలై, కొత్త వివాదం చెలరేగింది.

తీర్పు వెలువడే ప్రారంభ తేదీ నవంబర్ 14 కాగా, దానిని నవంబర్ 17కి మార్చారు. మధ్యంతర ప్రభుత్వం ఈ ప్రత్యేక రోజును కావాలనే ఎంచుకుందని కొందరు నెటిజన్లు ఆరోపించారు. అయితే, మరికొందరు దీనిని కేవలం యాదృచ్చికంగా చూస్తున్నారు. మానవత్వానికి వ్యతిరేకంగా చేసిన నేరాల ఆరోపణలపై షేక్ హసీనాతో పాటు మాజీ హోం మంత్రి అసదుజ్జమాన్ ఖాన్‌కు కూడా ట్రిబ్యునల్ మరణశిక్ష విధించింది. ప్రస్తుతం షేక్ హసీనా భారతదేశంలో ఉన్నందున, ఈ తీర్పు అమలుపై అనిశ్చితి ఉందని ఆమె కుమారుడు సజీబ్ వాజెద్ జాయ్ ఆశాభావం వ్యక్తం చేశారు.