చెన్నైలోని సూరపాట్టుకు చెందిన 25 ఏళ్ల యువతి తన వైవాహిక సమస్యలను పరిష్కరించుకోవాలనే ఆశతో ఒక ప్రమాదంలో చిక్కుకుంది. భర్తపై పటాభిరాం పోలీస్ స్టేషన్‌లో ఫిర్యాదు చేసిన తర్వాత, ఫిబ్రవరి 10న ఒక వ్యక్తి తనను లాయర్‌గా పరిచయం చేసుకుని పెరంబూర్‌లోని ఒక హోటల్‌కు పిలిపించాడు. సమస్యలు తీరుస్తానని నమ్మబలికిన 68 ఏళ్ల వృద్ధుడు, ఆమెను అసభ్య పదజాలంతో దూషించడమే కాకుండా, తన గదిలో రాత్రి గడిపితేనే పని అవుతుందని లైంగికంగా వేధించాడు.

బాధితురాలు గట్టిగా కేకలు వేయడంతో చుట్టుపక్కల వారు వచ్చి అతడిని పట్టుకుని పోలీసులకు అప్పగించారు. విచారణలో నిందితుడు వ్యాసర్పాడికి చెందిన జ్ఞానప్రకాష్ అని, అతను మద్రాస్ హైకోర్టులో దాబేదార్‌గా పనిచేసి పదవీ విరమణ పొందాడని తేలింది. యువతి నిస్సహాయతను ఆసరాగా చేసుకుని లైంగిక వేధింపులకు పాల్పడినందుకు పోలీసులు కేసు నమోదు చేసి అతడిని జైలుకు తరలించారు.