హోంశాఖ మంత్రి పదవి కావాలని తాను కోరుకున్నట్టు వస్తున్న వార్తలను కాంగ్రెస్ ఎమ్మెల్యే కోమటిరెడ్డి రాజ్‌గోపాల్ రెడ్డి ఖండించారు. తన అభిమానులు, కార్యకర్తలు హోంశాఖ తనకు ఇచ్చితే మంచిదని భావిస్తున్నారని మాత్రమే మీడియాకు చెప్పానని స్పష్టం చేశారు.

తాను ఎలాంటి శాఖనైనా సమర్థవంతంగా నిర్వహిస్తానని, మంత్రివర్గ విస్తరణపై అధిష్ఠానం తీసుకునే నిర్ణయమే తుదిస్థాయిలో ఉంటుందని రాజ్‌గోపాల్ రెడ్డి తెలిపారు. హోంశాఖపై అసత్య ప్రచారం జరుగుతోందని, తాను ఎప్పుడూ అలాంటి డిమాండ్ చేయలేదని స్పష్టంగా వెల్లడించారు.