బంగ్లాదేశ్ తాత్కాలిక ప్రభుత్వ సలహాదారు ప్రెస్ సెక్రటరీ షఫీకుల్ ఆలం హిందూ సంస్థలపై తీవ్ర విమర్శలు చేశారు. హిందూ బౌద్ధ క్రైస్తవ ఐక్య మండలి వంటి సంస్థలను షేక్ హసీనా “పెంపుడు కుక్కలు”గా ఆయన అభివర్ణించారు. గత ఏడాది కాలంలో బంగ్లాదేశ్‌లో కేవలం ఒక హిందూ వ్యక్తి మాత్రమే మతపరమైన కారణాలతో హత్యకు గురయ్యారని ఆయన పేర్కొన్నారు.

అల్పసంఖ్యాక వర్గాలపై జరుగుతున్న దాడులు వ్యక్తిగత కక్షలు లేదా దోపిడీలేనని, అవి మతపరమైనవి కావని ఆలం వాదించారు. భారత్-బంగ్లాదేశ్ సంబంధాల గురించి మాట్లాడుతూ, బంగ్లాదేశ్‌ను భూటాన్‌లా భావించవద్దని ఆయన భారత్‌ను హెచ్చరించారు. అవామీ లీగ్ ఈ ఘటనలను మతపరమైన హింసగా చిత్రీకరిస్తోందని ఆయన ఆరోపించారు.