అమెరికా సుప్రీంకోర్టు తీర్పునకు లొంగి అత్యవసర చట్టం కింద విధించిన దిగుమతి సుంకాలను ట్రంప్ యంత్రాంగం మంగళవారం నుండి నిలిపివేసింది. స్థానిక కాలమానం ప్రకారం మంగళవారం అర్ధరాత్రి 12:01 గంటల నుండి ఈ నిర్ణయం అమలులోకి వస్తుందని అమెరికా కస్టమ్స్ మరియు సరిహద్దు రక్షణ విభాగం అధికారిక ప్రకటనలో స్పష్టం చేసింది.

న్యాయస్థానం ఆదేశాల మేరకు వైట్ హౌస్ ఈ చర్యలు తీసుకుంది. ఈ పరిణామం అంతర్జాతీయ వాణిజ్యంపై ప్రభావం చూపడమే కాకుండా ట్రంప్ ప్రభుత్వ సుంకాల విధానానికి తాత్కాలిక బ్రేక్ వేసినట్లయింది.