ఒక సంవత్సరం క్రితం, ఉత్తర ఢిల్లీ నరేలా ప్రాంతానికి చెందిన 16 ఏళ్ల అమ్మాయి అదృశ్యమైంది. ఆ తర్వాత ఆమె తన 19 ఏళ్ల పొరుగువాడితో పారిపోయినట్లు తెలిసింది. కుటుంబ సభ్యుల ఫిర్యాదు మేరకు, ఢిల్లీ పోలీసులు కేసు నమోదు చేసి, ₹20,000 రివార్డ్ ప్రకటించారు. ఏడాది పాటు వెతికిన తరువాత, పోలీసు ఆమెను ఆగ్రాలో గుర్తించి, తల్లిదండ్రుల చేతికి అప్పగించారు.

ఆమె తన ప్రేమకథ సినిమా మాదిరిగా ఆసక్తికరంగా ఉంటుందని అనుకుంది. కానీ వాస్తవం భిన్నంగా మారింది. మొదట ఆమె జమ్మూ-కాశ్మీర్, ఆపై ముంబై మీదుగా ఆగ్రాకు చేరుకుంది. అక్కడ చిన్నచిన్న పనులు చేసుకుంటూ జీవనం సాగించింది. మార్చి 21న, తాజ్‌మహల్ సమీపంలో ఆమె ఉన్నట్లు సమాచారం అందడంతో, పోలీసులు అక్కడ దాడి చేసి ఆమెను రక్షించారు. ఆమె ఇప్పుడు తన తప్పును అర్థం చేసుకుంది. పోలీసులు ఇంకా ఈ కేసును దర్యాప్తు చేస్తున్నారు.