న్యూజిలాండ్‌తో జరిగిన చివరి టీ20లోనూ సంజూ శాంసన్ విఫలం కావడంతో ప్రపంచకప్ జట్టులో అతని ఎంపికపై నీలినీడలు ముసురుకున్నాయి. గత నాలుగు మ్యాచ్‌ల్లో కేవలం 40 పరుగులు మాత్రమే చేసిన సంజూకు తిరువనంతపురం మ్యాచ్ కీలకంగా మారింది. అదే సమయంలో ఇషాన్ కిషన్ సెంచరీతో చెలరేగి తన స్థానాన్ని సుస్థిరం చేసుకోగా సంజూ ఫామ్ ఆందోళన కలిగిస్తోంది.

ఈ క్రమంలో మాజీ క్రికెటర్ ఇర్ఫాన్ పఠాన్ సంజూకు మద్దతుగా నిలిచారు. సంజూను సరైన బ్యాటింగ్ పొజిషన్‌లో పంపడం మరియు అతనికి తగినంత సమయం ఇవ్వడం చాలా ముఖ్యమని పఠాన్ అభిప్రాయపడ్డారు. ప్రతిభావంతుడైన ఆటగాడికి నిలకడగా అవకాశాలు ఇస్తేనే అతను తన సత్తా చాటగలడని పఠాన్ పేర్కొన్నారు.