భారత రక్షణ వ్యవస్థను మరోస్థాయికి తీసుకెళ్లేందుకు రష్యా తన అత్యాధునిక ఎలక్ట్రానిక్ వార్‌ఫేర్ సిస్టమ్ ‘క్రాసుఖా-2’ను భారత్‌కు ప్రతిపాదించింది. ఇది శత్రువుల ఏవాక్స్ (AWACS) విమానాలను, ఎస్-బ్యాండ్ రాడార్లను దాదాపు 250 కిలోమీటర్ల దూరం నుంచే నిర్వీర్యం చేయగలదు. ఎటువంటి క్షిపణి ప్రయోగం లేకుండానే శత్రువుల కమాండ్ నెట్‌వర్క్‌ను ధ్వంసం చేసి, వారిని యుద్ధరంగంలో అంధులను చేయడమే ఈ వ్యవస్థ యొక్క ప్రధాన ప్రత్యేకత.

భారత్ వద్ద ఇప్పటికే ఉన్న ఎస్-400 వ్యవస్థకు ఈ క్రాసుఖా-2 తోడైతే మన గగనతల రక్షణ కవచం అజేయంగా మారుతుంది. ఇది శత్రు క్షిపణులను తప్పుదారి పట్టించడమే కాకుండా, రాడార్లలో లేని విమానాలను ఉన్నట్లుగా చూపిస్తూ శత్రువులను తీవ్ర గందరగోళానికి గురిచేస్తుంది. ముఖ్యంగా సరిహద్దుల్లో పాకిస్థాన్, చైనాల నిఘా వ్యవస్థలను ఎదుర్కోవడంలో ఈ సాంకేతికత భారత సాయుధ దళాలకు ఒక శక్తివంతమైన ఆయుధంగా మారుతుంది.