న్యూస్ డెస్క్ : బిజీ లైఫ్ వల్ల ఆదివారం ఎక్కువ మొత్తంలో మాంసం కొని వారం మొత్తం ఫ్రిజ్‌లో దాచుకుని తినడం మనకు అలవాటు. కానీ ఈ పద్ధతి వల్ల మనం పోషకాల కంటే విషాన్నే శరీరానికి అందిస్తున్నాం. మాంసాన్ని శుభ్రం చేసి, తడి లేకుండా గాలి చొరబడని డబ్బాలో ఉంచి డీప్ ఫ్రిజ్‌లో పెట్టడం ముఖ్యం. మాంసాన్ని మాటిమాటికీ ఫ్రిజ్ నుండి బయటకు తీసి మళ్ళీ లోపల పెట్టడం వల్ల ప్రమాదకరమైన బ్యాక్టీరియా చేరే అవకాశం ఉంది.

సాధారణంగా మాంసాన్ని 48 గంటల కంటే ఎక్కువ కాలం ఫ్రిజ్‌లో ఉంచడం ఆరోగ్యానికి ఏమాత్రం మంచిది కాదు. మాంసం రంగు మారినా, వాసన వచ్చినా లేదా గట్టిపడినా అది పాడైపోయినట్లు గుర్తించాలి. ఇలాంటి మాంసం తింటే శరీరంలో అనేక వ్యాధులు వచ్చే ప్రమాదం ఉంది. అందుకే సాధ్యమైనంత వరకు తాజాగా ఉన్న మాంసాన్ని వండుకోవడం లేదా సరైన పద్ధతుల్లో అతి తక్కువ కాలం నిల్వ చేసుకోవడం మేలు.