భోపాల్‌లో జరిగిన మహా కిసాన్ సమ్మేళనంలో రాహుల్ గాంధీ ప్రధాని మోదీపై తీవ్రస్థాయిలో విరుచుకుపడ్డారు. తన రాజకీయ భవిష్యత్తును కాపాడుకోవడానికే అమెరికా ఒత్తిడికి తలొగ్గి దేశ ప్రయోజనాలను దెబ్బతీసేలా వాణిజ్య ఒప్పందం చేసుకున్నారని ఆరోపించారు. ఈ ఒప్పందం వల్ల రాబోయే ఐదేళ్లలో భారత్ దాదాపు 9 లక్షల కోట్ల రూపాయల విలువైన వస్తువులను దిగుమతి చేసుకోవాల్సి ఉంటుందని ఆయన పేర్కొన్నారు.

దీనివల్ల దేశీయ వ్యవసాయం మరియు టెక్స్‌టైల్ రంగాలు పూర్తిగా కుప్పకూలుతాయని రాహుల్ ఆందోళన వ్యక్తం చేశారు. ఈ ఒప్పందానికి సంబంధించిన కీలక ఆధారాలు తన వద్ద ఉన్నాయని చెబుతూ, వెంటనే దీనిని రద్దు చేయాలని డిమాండ్ చేశారు. ఈ అంశంపై కాంగ్రెస్ పార్టీ దేశవ్యాప్త నిరసనలకు పిలుపునిచ్చింది.