ప్రధానమంత్రి నరేంద్ర మోడీ గత నాలుగేళ్ల (2021–2024)లో చేసిన విదేశీ పర్యటనలపై దాదాపు ₹295 కోట్లు ఖర్చయిందని కేంద్ర ప్రభుత్వం పార్లమెంట్‌లో తెలిపింది. తృణమూల్ కాంగ్రెస్ రాజ్యసభ సభ్యుడు డెరెక్ ఓ’బ్రియన్ అడిగిన ప్రశ్నకు విదేశాంగ శాఖ సహాయ మంత్రి కీర్తివర్ధన్ సింగ్ ఈ వివరాలు సమర్పించారు.

ప్రభుత్వం వెల్లడించిన ప్రకారం, 2021లో సుమారు ₹36 కోట్లు, 2022లో ₹56 కోట్లు, 2023లో ₹93 కోట్లు, 2024లో దాదాపు ₹109 కోట్లు ఖర్చయ్యాయి. ప్రస్తుత సంవత్సరం (2024)లో మోడీ అమెరికా, ఫ్రాన్స్ తదితర ఐదు దేశాల పర్యటనలకు మాత్రమే ₹67 కోట్లకు పైగా వ్యయం అయినట్లు తెలిపారు. అయితే, ఈ కాలంలో జరిగిన కొన్ని ఇతర పర్యటనల ఖర్చుల వివరాలు ఇంకా కేంద్రం వెల్లడించలేదు.

వివరాల ప్రకారం, 2024లో ఫ్రాన్స్ పర్యటనకు అత్యధికంగా ₹25 కోట్లు ఖర్చయ్యాయి. 2023లో అమెరికా పర్యటనకు సుమారు ₹22 కోట్లు వెచ్చించబడినట్లు రికార్డులో ఉంది.