రావణ కుమారుడు, ఇంద్రజిత్తుగా పేరొందిన మేఘనాథుడిని సంహరించడం సాక్షాత్తు దేవతలకే అసాధ్యమైంది. అయితే, 14 సంవత్సరాల పాటు నిద్ర, ఆహారం లేకుండా, ఏ స్త్రీ ముఖం చూడని వ్యక్తి మాత్రమే అతడిని ఓడించగలడని అగస్త్య ముని శ్రీరాముడికి వివరిస్తారు. లక్ష్మణుడు తన అపారమైన త్యాగం ద్వారా ఈ అసాధారణ అర్హతను సాధించాడని తెలిసినప్పుడు శ్రీరాముడు ఆశ్చర్యపోతాడు. వనవాస సమయంలో లక్ష్మణుడు రాముడు, సీతమ్మల రక్షణ కోసం నిద్రాదేవిని సైతం ఎదిరించి 14 ఏళ్ల పాటు మేల్కొనే ఉన్నాడని లక్ష్మణుడు స్వయంగా వెల్లడించాడు.

ఆహారం విషయంలో కూడా లక్ష్మణుడు అత్యంత నియమబద్ధంగా ఉన్నాడు. శ్రీరాముడు పండ్లను ఇచ్చి భద్రపరచమన్నాడే తప్ప, తినమని ఎప్పుడూ ఆదేశించలేదని, అందుకే తాను నిరాహారిగా ఉన్నానని లక్ష్మణుడు తెలిపాడు. అలాగే సీతమ్మ పాదాల వద్ద ఉన్న ఆభరణాలను మాత్రమే తాను గుర్తించగలనని, ఎప్పుడూ ఆమె ముఖం వైపు చూడలేదని చెప్పడం అతడి పరమ పవిత్రతకు నిదర్శనం. విశ్వామిత్ర మహర్షి ప్రసాదించిన విద్యల సహాయంతో ఆకలిని నియంత్రించుకుని, మేఘనాథుడిని సంహరించి ధర్మ విజయానికి లక్ష్మణుడు వెన్నెముకగా నిలిచాడు.