మెట్రో ఛార్జీల పెంపుపై కర్ణాటక సీఎం సిద్ధరామయ్య, ఎంపీ తేజస్వి సూర్య మధ్య మాటల యుద్ధం మొదలైంది. ఛార్జీల పెంపు కేంద్రానిదేనన్న సీఎం వ్యాఖ్యలను తేజస్వి సూర్య ఖండించారు. రాష్ట్ర ప్రభుత్వమే ఈ పెంపునకు సిఫార్సు చేసిందని నిరూపిస్తూ సంబంధిత అధికారిక పత్రాలను ఆయన సోషల్ మీడియాలో బహిర్గతం చేశారు.

రాష్ట్ర ప్రభుత్వ ఆర్థిక భారాన్ని తగ్గించుకోవడానికే మెట్రో ధరలు పెంచాలని నగరాభివృద్ధి శాఖ లేఖలు రాసిందని సూర్య మండిపడ్డారు. సామాన్యులపై భారం మోపే ఈ నిర్ణయాన్ని తక్షణమే ఉపసంహరించుకోవాలని, ఫిబ్రవరి 9 నుండి అమలయ్యే కొత్త ధరలను నిలిపివేయాలని ఆయన డిమాండ్ చేశారు.