టీమ్ ఇండియా బ్యాటర్లు ఉపయోగిస్తున్న బ్యాట్లపై శ్రీలంక క్రికెటర్ భానుకా రాజపక్స సంచలన ఆరోపణలు చేశారు. భారత ఆటగాళ్ల బ్యాట్లు ఇతర దేశాల ఆటగాళ్ల బ్యాట్ల కంటే ఎక్కువ శక్తిని ఉత్పత్తి చేస్తున్నాయని ఆయన పేర్కొన్నారు. ఈ బ్యాట్లపై ప్రత్యేకమైన రబ్బరు పొర ఉంటుందని, దీని వల్ల భారతీయులకు అదనపు ప్రయోజనం కలుగుతోందని ఆయన వాదించారు. ఇలాంటి నాణ్యమైన బ్యాట్లు ఇతర జట్లకు అందుబాటులో లేవని, ఇది ఎలా సాధ్యమో అర్థం కావడం లేదని రాజపక్స వ్యాఖ్యానించారు.

భారత క్రికెటర్ల బ్యాట్ల గురించి డ్రెస్సింగ్ రూమ్‌లో ఉన్న ఆటగాళ్లందరికీ తెలుసని రాజపక్స ఆరోపించారు. అంతర్జాతీయ క్రికెట్ నిబంధనల ప్రకారం బ్యాట్ల తయారీలో కొన్ని ప్రమాణాలు ఉన్నప్పటికీ, భారత ఆటగాళ్ల బ్యాట్లు విభిన్నంగా ఉండటంపై ఆయన అనుమానం వ్యక్తం చేశారు. ఈ వ్యవహారం ఇప్పుడు క్రికెట్ ప్రపంచంలో పెను దుమారం రేపుతోంది. భారత బ్యాటర్ల అద్భుత ప్రదర్శన వెనుక ఇలాంటి సాంకేతిక కారణాలు ఉన్నాయన్న రాజపక్స మాటలపై సోషల్ మీడియాలో పెద్ద ఎత్తున చర్చ జరుగుతోంది.