సూర్యకుమార్ యాదవ్ నేతృత్వంలోని టీమ్ ఇండియా కొలంబోలోని ఆర్. ప్రేమదాస స్టేడియంలో పాకిస్థాన్‌తో తలపడనుంది. ఫిబ్రవరి 15న జరగనున్న ఈ హైవోల్టేజ్ పోరు కోసం ప్రపంచవ్యాప్తంగా ఉత్కంఠ నెలకొంది. అయితే వాతావరణ శాఖ అంచనా ప్రకారం మ్యాచ్ రోజున భారీ వర్షం కురిసే అవకాశం ఉండటంతో అభిమానుల్లో ఆందోళన మొదలైంది.

ఒకవేళ వర్షం కారణంగా మ్యాచ్ రద్దయితే ఇరు జట్లకు చెరో పాయింట్ లభిస్తుంది. దీనివల్ల భారత్ నేరుగా సూపర్ 8 దశకు చేరుకుంటుంది, కానీ పాకిస్థాన్ తన తదుపరి మ్యాచ్‌లో తప్పక గెలవాల్సి ఉంటుంది. ప్రస్తుతం అందరి చూపు కొలంబో వాతావరణంపైనే ఉంది.