ఉత్తరప్రదేశ్‌లోని షాజహాన్‌పూర్‌లో కుటుంబ కలహాల కారణంగా సంచలనం సృష్టించిన ఘటన చోటుచేసుకుంది. తన 22 ఏళ్ల చెల్లెలిని అనుమానంతో పదునైన ఆయుధంతో నరికి చంపినట్లు సోదరుడు షేర్ సింగ్‌పై ఆరోపణలు వచ్చాయి. మృతురాలు వరుసగా పెళ్లి సంబంధాలను తిరస్కరిస్తోందని పోలీసు వర్గాలు తెలిపాయి. ఈ క్రమంలో ఒక రోజు, సోదరుడు షేర్ సింగ్ తన చెల్లెలి మొబైల్ ఫోన్ కాల్ రికార్డింగ్‌లు విన్నాడు. తన సోదరి పలువురు యువకులతో మాట్లాడుతున్నట్లు తెలిసి, ఆమె మరొకరితో ప్రేమ సంబంధంలో ఉందని, అందుకే పెళ్లికి నిరాకరిస్తోందని షేర్ సింగ్‌కు అనుమానం బలపడింది.

ఘటన జరిగిన రోజు, తన ఫోన్ తిరిగి తీసుకోవడానికి వచ్చినప్పుడు అన్న చెల్లెళ్ల మధ్య తీవ్ర వాగ్వాదం జరిగింది. వాదన పరాకాష్టకు చేరినప్పుడు, కోపంతో షేర్ సింగ్ పదునైన ఆయుధంతో ఆమెపై దాడి చేశాడు. యువతి అక్కడికక్కడే మరణించింది. నిందితుడు షేర్ సింగ్‌ను అరెస్టు చేసినట్లు, ప్రాథమిక విచారణలో తన చెల్లెలిని చంపినట్లు అతను అంగీకరించాడని జిల్లా పోలీసు సూపరింటెండెంట్ రాజేష్ ద్వివేది తెలిపారు. మృతదేహాన్ని పోస్టుమార్టం నిమిత్తం తరలించారు.