క్రికెట్‌తో ఎటువంటి సంబంధం లేకపోయినా, రాకెట్ వేగంతో పాకిస్తాన్ క్రికెట్ బోర్డ్ (PCB) చీఫ్ పదవికి ఎదిగారు మొహసిన్ నఖ్వీ. మొదట ప్రావిన్షియల్ ముఖ్యమంత్రిగా, ఆ తర్వాత దేశ మంత్రిగా ఆయన ఎదుగుదల వేగంగా జరిగింది. పాక్ గూఢచార సంస్థ ఐఎస్‌ఐ (ISI) ఏజెంట్‌గా, సైన్యానికి సన్నిహితుడిగా పేరున్న నఖ్వీ, ఇప్పుడు ఆసియా కప్ వివాదాల మధ్య చిక్కుకున్నారు.

ఈ శక్తిమంతమైన వ్యక్తిపై ₹25,000 కోట్ల విలువైన అవినీతి ఆరోపణలు ఉన్నప్పటికీ, వాటికి ఆధారాలు ఉన్నా ఆయన శిక్షను తప్పించుకున్నట్లు సమాచారం. సైన్యం యొక్క ‘కంటిపాప’గా పిలవబడే నఖ్వీ అన్ని ఆరోపణలను సులభంగా దాటవేశారు. రాజకీయ అధికారం, అవినీతి కలగలిసిన ఈ పరిస్థితి క్రికెట్ నిర్వాహకుడిగా ఆయన పాత్రపై సందేహాలు లేవనెత్తుతోంది.