ముఖ్యమంత్రి భగవంత్ సింగ్ మాన్ ఆదేశాల మేరకు పంజాబ్‌ను గ్యాంగ్‌స్టర్ రహిత రాష్ట్రంగా మార్చేందుకు ‘ఆపరేషన్ ప్రహార్-2’ ప్రారంభమైంది. గత 72 గంటల్లో రాష్ట్రవ్యాప్తంగా 8,278 నేరస్థుల స్థావరాలపై పోలీసులు దాడులు నిర్వహించారు. 12,000 మంది సిబ్బందితో కూడిన 2,000 పోలీస్ బృందాలు ఈ ఆపరేషన్‌లో పాల్గొన్నాయని డీజీపీ గౌరవ్ యాదవ్ తెలిపారు. రాష్ట్రం నుండి నేరస్థులను పూర్తిగా ఏరివేసే వరకు ఈ పోరాటం కొనసాగుతుందని ఆయన స్పష్టం చేశారు.

ఈ దాడుల్లో ఇప్పటివరకు 3,260 మందిని అరెస్ట్ చేయగా, అందులో 135 మంది పరారీలో ఉన్న నేరస్థులు ఉన్నారు. భారీగా ఆయుధాలు, మాదకద్రవ్యాలు మరియు 30 లక్షల నగదును పోలీసులు స్వాధీనం చేసుకున్నారు. నేరస్థుల సమాచారం ఇచ్చేందుకు ప్రత్యేక హెల్ప్‌లైన్ నంబర్‌ను అందుబాటులోకి తెచ్చారు. అదే సమయంలో డ్రగ్స్ వ్యతిరేక పోరాటంలో భాగంగా ఒకే రోజు 164 మంది స్మగ్లర్లను పట్టుకుని పోలీసులు సంచలనం సృష్టించారు.