‘జనరేషన్ జీ’ నిరసనల తర్వాత రాజీనామా చేసిన నేపాల్ మాజీ ప్రధాని కేపీ శర్మ ఒలి చివరకు మౌనం వీడారు. నిరసనకారులపై కాల్పులు జరపమని తన ప్రభుత్వం ఆదేశించలేదని ఆయన స్పష్టం చేశారు. ఈ హింసకు చొరబాటుదారులే కారణమని ఒలి ఆరోపించారు. నిరసనకారులపై పోలీసుల వద్ద లేని ఆటోమేటిక్ తుపాకులతో కాల్పులు జరిగాయని కూడా ఆయన అన్నారు.

ఈ ఘటన పట్ల ఒలి విచారం వ్యక్తం చేస్తూ, విచారణకు డిమాండ్ చేశారు. కొంతమంది కుట్రదారులు శాంతియుత నిరసనలో చొరబడి దానిని హింసాత్మకంగా మార్చారని ఆయన ఆరోపించారు. “నేను రాజీనామా చేసిన తర్వాత, సింగ్ దర్బార్ సెక్రటేరియట్ మరియు సుప్రీంకోర్టుకు నిప్పు పెట్టారు, నేపాల్ మ్యాప్‌ను తగులబెట్టారు, ఇంకా అనేక ముఖ్యమైన ప్రభుత్వ భవనాలకు కూడా నిప్పు పెట్టారు” అని ఆయన అన్నారు.