నెదర్లాండ్స్ రాజకీయాల్లో కీలక మలుపు చోటుచేసుకుంది. 38 ఏళ్ల రాబ్ జెట్టన్ ఆ దేశపు అత్యంత పిన్న వయస్కుడైన మరియు తొలి స్వలింగ సంపర్క ప్రధానమంత్రిగా బాధ్యతలు చేపట్టి చరిత్ర సృష్టించారు. దాదాపు 117 రోజుల రాజకీయ సంక్షోభం తర్వాత మూడు పార్టీల కూటమితో ఆయన ప్రభుత్వాన్ని ఏర్పాటు చేశారు. అర్జెంటీనా హాకీ క్రీడాకారుడు నికోలస్ కీనన్‌తో తనకున్న బంధాన్ని ఆయన బహిరంగంగానే ప్రకటించారు.

ఈ చారిత్రక విజయంపై భారత ప్రధాని నరేంద్ర మోదీ హర్షం వ్యక్తం చేస్తూ జెట్టన్‌కు శుభాకాంక్షలు తెలిపారు. భారత్, నెదర్లాండ్స్ మధ్య ఉన్న సత్సంబంధాలను మరింత బలోపేతం చేసేందుకు ఆయనతో కలిసి పనిచేయడానికి సిద్ధంగా ఉన్నట్లు మోదీ పేర్కొన్నారు. గతంలో పర్యావరణ మంత్రిగా, ఉప ప్రధానిగా పనిచేసిన అనుభవం జెట్టన్‌కు ఉంది.