సాధారణంగా తాజా ఆహారం ఆరోగ్యం అని అందరూ అంటారు కానీ కొన్ని వంటకాలు బాసివి అయితేనే వాటిలోని పోషక విలువలు రెట్టింపు అవుతాయి. రాత్రి మిగిలిన చపాతీలు ఉదయాన్నే తినడం వల్ల జీర్ణక్రియ మెరుగుపడటమే కాకుండా మధుమేహ నియంత్రణకు ఎంతో మేలు చేస్తుంది. అలాగే అన్నాన్ని రాత్రంతా నీళ్లలో నానబెట్టి మరుసటి రోజు ఉదయం ‘చద్ది అన్నం’లా తినడం వల్ల శరీరానికి కావాల్సిన ఐరన్, పొటాషియం మరియు కాల్షియం పుష్కలంగా అందుతాయి. పెరుగు కూడా ఒకటి రెండు రోజులు నిల్వ ఉంటే అందులో మేలు చేసే బ్యాక్టీరియా పెరిగి రోగనిరోధక శక్తిని పెంపొందించడంలో సహాయపడుతుంది.

మిగిలిన పాయసం లేదా ఖీర్ చల్లారిన తర్వాత తింటే అది కేవలం రుచిని మాత్రమే కాకుండా కడుపుకు చల్లదనాన్ని ఇస్తుంది. అదేవిధంగా రాజ్మా చావల్ వంటి వంటకాలు బాసివి అయితే వాటిలోని ప్రోటీన్ మరియు ఫైబర్ శరీరానికి సులభంగా గ్రహించబడతాయి. ఈ ఆహార పదార్థాలలో జరిగే సహజమైన ఫెర్మెంటేషన్ ప్రక్రియ వల్ల జీర్ణక్రియ సులభతరం కావడమే కాకుండా విటమిన్ల శాతం కూడా పెరుగుతుంది. కాబట్టి పద్ధతి ప్రకారం నిల్వ ఉన్న ఈ ఐదు రకాల ఆహారాలను పారేయకుండా తీసుకోవడం వల్ల ఆరోగ్యానికి ఎంతో ప్రయోజనం చేకూరుతుంది.