H-1B వీసాపై ట్రంప్ ప్రభుత్వం విధించిన కొత్త నిబంధనలు, ఫీజుల పెంపుపై భారత్ సమతుల్యమైన స్పందన ఇచ్చింది. ఈ చర్య రెండు దేశాల ఆర్థిక ప్రయోజనాలను ప్రభావితం చేయవచ్చని విదేశాంగ మంత్రిత్వ శాఖ ఒక ప్రకటనలో తెలిపింది. పరిశ్రమలు, విధాన నిర్ణేతలు కలిసి దీనికి పరిష్కారం కనుగొంటారని ఆశాభావం వ్యక్తం చేసింది.

ఈ నిర్ణయంతో ప్రభావితమైన నిపుణుల కుటుంబాలపై పడే మానవతా ప్రభావాలను కూడా పరిగణనలోకి తీసుకోవాలని భారత ప్రభుత్వం విజ్ఞప్తి చేసింది. విదేశాంగ మంత్రిత్వ శాఖ ప్రతినిధి రణధీర్ జైస్వాల్ మాట్లాడుతూ, ఈ ప్రతిపాదిత పరిమితుల గురించి భారతదేశానికి తెలుసని, ఇరు దేశాల మధ్య ఉన్న బలమైన ఆర్థిక సంబంధాలను దృష్టిలో ఉంచుకుని అమెరికా ఈ సమస్యకు తగిన పరిష్కారం చూపుతుందని విశ్వసిస్తున్నామని చెప్పారు.