జీఎస్టీపై ప్రధాన మంత్రి నరేంద్ర మోడీ చేసిన వ్యాఖ్యలకు ముఖ్యమంత్రి మమతా బెనర్జీ దీటుగా బదులిచ్చారు. దుర్గా పూజ ప్రారంభోత్సవ కార్యక్రమంలో ఆమె మాట్లాడుతూ, జీఎస్టీ తగ్గింపు రాష్ట్రాల పోరాటం ఫలితమేనని, కేవలం కేంద్ర ప్రభుత్వం మాత్రమే సాధించింది కాదని అన్నారు. కేంద్రం నిధులు నిలిపివేసినప్పటికీ, ప్రజల సంక్షేమం కోసం రూ. 20,000 కోట్ల ఆదాయ నష్టాన్ని రాష్ట్రం అంగీకరించిందని ఆమె తెలిపారు.

జీఎస్టీ అంశంపై టీఎంసీ అఖిల భారత ప్రధాన కార్యదర్శి అభిషేక్ బెనర్జీ బీజేపీపై తీవ్ర స్థాయిలో విరుచుకుపడ్డారు. ‘ఇప్పటివరకు ‘జీఎస్టీ దోపిడీ ఉత్సవం’ జరుగుతోందా?’ అని ఆయన ప్రశ్నించారు. లోక్‌సభలో బీజేపీ 240 స్థానాలకు తగ్గినందున, ఆ ఒత్తిడి కారణంగా జీఎస్టీని తగ్గించక తప్పలేదని అభిషేక్ అన్నారు. ‘దేశంలో బీజేపీ సున్నా అయితే జీఎస్టీ కూడా సున్నా అవుతుంది’ అని ఆయన స్పష్టంగా పేర్కొన్నారు.