టీ20 ప్రపంచకప్ సూపర్-8లో దక్షిణాఫ్రికా చేతిలో ఓటమి పాలైన భారత్ సెమీస్ అవకాశాలు ఇప్పుడు జింబాబ్వే, వెస్టిండీస్ మ్యాచ్ ఫలితంపై ఆధారపడి ఉన్నాయి. ఈ కీలక పోరులో జింబాబ్వే గెలిస్తే, టీమిండియా తన తదుపరి రెండు మ్యాచ్‌ల్లో కేవలం ఒక్కటి గెలిచినా టెక్నికల్‌గా సెమీస్‌కు చేరే ఛాన్స్ ఉంటుంది. ఇది భారత అభిమానుల్లో కొత్త ఆశలు చిగురింపజేస్తోంది.

ముంబైలోని వాంఖడే వేదికగా జరుగుతున్న ఈ మ్యాచ్‌లో జింబాబ్వే టాస్ గెలిచి బౌలింగ్ ఎంచుకుంది. ఒకవేళ విండీస్ ఓడిపోతే గ్రూపులో సమీకరణాలు మారి భారత్‌కు నెట్ రన్ రేట్ పరంగా కలిసి వస్తుంది. అయితే ఇతర జట్ల ఫలితాలపై ఆధారపడకుండా ఉండాలంటే, సూర్యకుమార్ సేన తమ తదుపరి మ్యాచ్‌ల్లో భారీ విజయాలు నమోదు చేయడం అత్యవసరమని విశ్లేషకులు భావిస్తున్నారు.