గాయం నుండి కోలుకుని దక్షిణాఫ్రికాతో జరిగిన టీ20 సిరీస్‌లో తిరిగి వచ్చిన టీమ్ ఇండియా స్టార్ బ్యాటర్, కెప్టెన్ శుభ్‌మన్ గిల్ మొదటి మ్యాచ్‌లోనే నిరాశపరిచారు. కేవలం 4 పరుగులకే అవుట్ కావడంతో, సంవత్సరంలో అత్యధిక పరుగులు చేసిన గిల్ రికార్డును వెస్టిండీస్ వన్డే, టీ20 కెప్టెన్ షాయ్ హోప్ బద్దలు కొట్టారు. అన్ని ఫార్మాట్లలో కలిపి 2025 సంవత్సరంలో ప్రపంచంలోనే అత్యధిక పరుగులు చేసిన బ్యాటర్‌గా ప్రస్తుతం హోప్ నిలిచారు. న్యూజిలాండ్‌తో జరుగుతున్న టెస్ట్ మ్యాచ్‌లో కీలకమైన 48 పరుగులు చేసి ఆయన గిల్‌ను అధిగమించారు.

ప్రస్తుతం హోప్ 47 ఇన్నింగ్స్‌లలో 1749 పరుగులతో అగ్రస్థానంలో ఉండగా, గిల్ 40 ఇన్నింగ్స్‌లలో 1736 పరుగులతో రెండో స్థానంలో ఉన్నారు. అయినప్పటికీ, దక్షిణాఫ్రికా టీ20 సిరీస్‌లో మిగిలిన 4 మ్యాచ్‌లలో గిల్ భారీ స్కోర్లు చేస్తే, మళ్లీ అగ్రస్థానాన్ని దక్కించుకునే అవకాశం ఉంది. న్యూజిలాండ్‌తో జరిగిన టెస్ట్ మ్యాచ్ మొదటి రోజు ఆటలో వెస్టిండీస్ కేవలం 205 పరుగులకు ఆలౌట్ అయింది. బ్లెయిర్ టిక్నర్ 4 వికెట్లు తీయగా, అరంగేట్రం చేసిన మైఖేల్ రే 3 వికెట్లు పడగొట్టారు.