బంగ్లాదేశ్ మాజీ ప్రధాని బేగం ఖలీదా జియా అంత్యక్రియల్లో పాల్గొనేందుకు భారత విదేశాంగ మంత్రి ఎస్. జైశంకర్ బుధవారం ఢాకా చేరుకున్నారు. విమానాశ్రయంలో ఘనస్వాగతం అనంతరం ఆయన బిఎన్‌పి తాత్కాలిక అధ్యక్షుడు తారిక్ రెహమాన్‌ను కలిశారు. ఈ సందర్భంగా ప్రధాని నరేంద్ర మోదీ పంపిన వ్యక్తిగత సంతాప లేఖను జైశంకర్ ఆయనకు అందజేశారు. భారత ప్రభుత్వం మరియు ప్రజల తరపున తన ప్రగాఢ సానుభూతిని ఈ లేఖ ద్వారా తెలియజేశారు.

ఖలీదా జియా ఆశయాలు, దార్శనికత భారత్-బంగ్లాదేశ్ భాగస్వామ్యానికి మార్గదర్శకంగా ఉంటాయని జైశంకర్ పేర్కొన్నారు. ఈరోజు మధ్యాహ్నం 3:30 గంటలకు అధికారిక లాంఛనాలతో ఆమె భర్త జియావుర్ రెహమాన్ సమాధి సమీపంలో ఖలీదా జియా అంత్యక్రియలు జరగనున్నాయి. పలు దేశాల ప్రతినిధులు హాజరవుతున్న ఈ కార్యక్రమంలో భారత ప్రభుత్వం తరపున జైశంకర్ ప్రాతినిధ్యం వహిస్తున్నారు.