ప్రముఖ కామెడీ షోలో టీమ్ ఇండియా స్టార్ క్రికెటర్ షెఫాలీ వర్మకు ఒక అభిమాని నుండి ఊహించని వివాహ ప్రతిపాదన ఎదురైంది. హర్యానాకు చెందిన ఒక యువకుడు తనకు ప్రభుత్వ ఉద్యోగం ఉందని మరియు హైవే పక్కన కోట్ల విలువైన భూమి ఉందని చెబుతూ షెఫాలీని పెళ్లి చేసుకుంటానని సరదాగా ప్రపోజ్ చేశాడు. షెఫాలీ కూడా అంతే వేగంగా స్పందిస్తూ ఆ భూమి విలువ ఎంత అని ప్రశ్నించడంతో అక్కడ ఒక్కసారిగా నవ్వులు విరిశాయి.

ఈ సరదా సన్నివేశంలో సదరు యువకుడి తల్లి కూడా పాల్గొనడంతో షెఫాలీ చమత్కరిస్తూ అందరూ ఇక్కడే పెళ్లి చేసేలా ఉన్నారని వ్యాఖ్యానించింది. కెప్టెన్ హర్మన్‌ప్రీత్ కౌర్ సమక్షంలో జరిగిన ఈ సరదా సంభాషణ ప్రేక్షకులను ఎంతగానో అలరించింది. అయితే ఈ ప్రపోజ్ కేవలం వినోదం కోసం చేసినదే తప్ప ఇందులో ఎలాంటి నిజం లేదని స్పష్టమైంది. షెఫాలీ తనదైన శైలిలో ఇచ్చిన సమాధానాలు ఇప్పుడు సోషల్ మీడియాలో వైరల్ అవుతున్నాయి.