ఆంధ్రప్రదేశ్‌లో రాజకీయ విమర్శలు మళ్లీ ఉద్ధృతంగా మారాయి. వైఎస్సార్సీపీ సీనియర్ నేత, మాజీ మంత్రి పేర్ని నాని కూటమి ఎమ్మెల్యేలపై తీవ్ర వ్యాఖ్యలు చేశారు. కూటమి నేతలు ప్రజలకు సేవ చేయడంవల్ల కాకుండా, స్కిట్లు వేసుకుంటూ రాజకీయ జీవితం కొనసాగించాల్సి వస్తోందని ఆయన ఎద్దేవా చేశారు. ప్రజలు త్వరలోనే వీరికి తగిన బుద్ధి చెప్పేందుకు సిద్ధంగా ఉన్నారని ఆయన హెచ్చరించారు.

పేర్ని నాని మాట్లాడుతూ, “మా పార్టీ నేతల అరెస్టులతో జగన్ పరపతి ఏమాత్రం తగ్గలేదు. రెడ్ బుక్ రాజ్యాంగం మాపై ఎలాంటి ప్రభావం చూపలేదు. ఇచ్చిన మాటను నిలబెట్టుకోవడం జగన్‌కే సాధ్యం. ఈ విషయంలో చంద్రబాబు, పవన్ కళ్యాణ్ జగన్ దగ్గర ట్రైనింగ్ తీసుకోవాల్సిందే” అని వ్యాఖ్యానించారు. రాష్ట్ర రాజకీయాల్లో జరుగుతున్న పరిణామాలను చూసినప్పుడల్లా విపక్ష నాయకులు తప్పుడు ప్రచారం చేస్తున్నారని, కానీ ప్రజలు ఎవరికి మద్దతు ఇవ్వాలో బాగా అర్థం చేసుకున్నారని ఆయన స్పష్టం చేశారు.