మాజీ అధ్యక్షుడు బరాక్ ఒబామా, ఆయన భార్య మిషెల్‌లను కోతులుగా చూపిస్తూ డొనాల్డ్ ట్రంప్ సోషల్ మీడియాలో షేర్ చేసిన ఒక ఏఐ వీడియో తీవ్ర సంచలనం సృష్టిస్తోంది. 2020 ఎన్నికల కుట్రల నేపథ్యంలో రూపొందించిన ఈ వీడియోపై సర్వత్రా నిరసనలు వ్యక్తమవుతున్నాయి. జాత్యహంకారపూరితంగా ఉన్న ఈ చర్య అమెరికా రాజకీయాల్లో పెను వివాదానికి దారితీసింది.

వివాదం ముదరడంతో వైట్ హౌస్ ఆ వీడియోను తొలగించి, అది ఒక సిబ్బంది చేసిన పొరపాటుగా పేర్కొంది. అయితే, తాను ఎలాంటి తప్పు చేయలేదని, క్షమాపణలు చెప్పే ప్రసక్తే లేదని ట్రంప్ ఖరాఖండిగా చెప్పడం గమనార్హం.