ఐపీఎల్ 2026 మినీ వేలం డిసెంబర్ 16న అబుదాబిలో జరగనుంది. ఈ వేలంలో ఐదుసార్లు ఛాంపియన్‌గా నిలిచిన చెన్నై సూపర్ కింగ్స్ వ్యూహాలు ఆసక్తికరంగా మారాయి. సీఎస్‌కే ₹43.40 కోట్ల భారీ బడ్జెట్‌తో బరిలోకి దిగుతోంది, ఇందులో 4 విదేశీ ఆటగాళ్లతో సహా మొత్తం 9 మంది ఆటగాళ్లను కొనుగోలు చేయాలని లక్ష్యంగా పెట్టుకుంది.

రవీంద్ర జడేజా, సామ్ కుర్రాన్ వంటి ఆల్‌రౌండర్‌లను, డెవాన్ కాన్వే, రచిన్ రవీంద్ర వంటి ఓపెనర్లను విడుదల చేసిన నేపథ్యంలో కీలక స్థానాలను భర్తీ చేయాలని సీఎస్‌కే చూస్తోంది. ఈ నేపథ్యంలో కామెరూన్ గ్రీన్, లియామ్ లివింగ్‌స్టోన్, డేవిడ్ మిల్లర్ వంటి అంతర్జాతీయ ఆటగాళ్లతో పాటు రవి బిష్ణోయ్ వంటి దేశీయ స్పిన్నర్‌లను సీఎస్‌కే లక్ష్యంగా చేసుకునే అవకాశం ఉంది.