ఇంట్లో ఎలుకల సమస్య ప్రతి ఒక్కరికీ ఎదురయ్యే అసౌకర్యం. అల్మారాల్లోని బట్టలు, వంటగదిలోని ఆహారం, ఇల్లు మొత్తం ఎలుకల కారణంగా హాని చెందుతుంది. ఎలుకలు తినివేయడం వల్ల వస్తువులు పాడవడం మాత్రమే కాకుండా, అవి వ్యాధులను కూడా వ్యాపింపజేస్తాయి. ఎలుకలను తరిమిపెట్టడానికి అనేక రకాల మార్గాలు ప్రయత్నించినా, అవి పూర్తిగా ఇంటి నుంచి వెళ్లిపోవడం కష్టమే. చాలా మంది ఎలుకల కోసం విషం వాడినా, కొన్ని సందర్భాల్లో అది సరిగ్గా పనిచేయదు.

అయితే, ఎలుకలను ఇంటి నుంచి తరిమిపెట్టడానికి అత్యంత సులభమైన, రసాయన రహిత పద్ధతి ఉంది. అది కర్పూరం! కర్పూరం చాలా బలమైన వాసన కలిగి ఉండటంతో ఎలుకలు దానిని అస్సలు తట్టుకోలేవు. ఇంటి తుడిచే నీటిలో కర్పూరాన్ని కలిపి తుడిచితే, ఎలుకలు ఆ ప్రదేశం దరిచేరవు. అలాగే, ఇంటి మూలలలో చిన్న కర్పూరపు ముక్కలను ఉంచినా, ఎలుకలు వాటి వాసనను తట్టుకోలేకపోయి పారిపోతాయి.

ఈ విధానం ఇంట్లో స్వచ్ఛతను పెంచడంతో పాటు, మంచి వాసనను అందిస్తుంది. బ్యాక్టీరియాలను కూడా నివారించే ఈ సహజపద్ధతి ఎలుకల సమస్యకు సరైన పరిష్కారం అవుతుంది. ఇకపై ఎలుకల బెడద లేకుండా, కర్పూరాన్ని వినియోగించి ఇంటిని రక్షించుకోండి!