ఎడమ కాలు నొప్పి లేదా బలహీనత నేరుగా గుండె సమస్యలకు సంబంధించింది కాదని హృద్రోగ నిపుణుడు డాక్టర్ అరుణ్ కళ్యాణసుందరం స్పష్టం చేశారు. శరీర నిర్మాణ పరంగా వీటికి ప్రత్యక్ష సంబంధం లేనప్పటికీ, రక్త నాళాల్లో అడ్డంకులు ఏర్పడే పెరిఫెరల్ ఆర్టీరియల్ డిసీజ్ కారణంగా కాళ్లలో నొప్పి వచ్చే అవకాశం ఉందని ఆయన పేర్కొన్నారు.

వెన్నెముక సమస్యలు, డిస్క్ బల్జ్, సయాటికా వంటి ఆర్థోపెడిక్ కారణాలు లేదా డయాబెటిస్ వల్ల వచ్చే నరాల బలహీనత వల్ల కూడా ఇలా జరగవచ్చు. కాబట్టి ఆందోళన చెందకుండా, అది రక్త నాళాల సమస్య లేదా నరాల ఇబ్బందా అని తెలుసుకోవడానికి వెంటనే జనరల్ ఫిజీషియన్‌ను సంప్రదించి తగిన పరీక్షలు చేయించుకోవడం ఎంతో అవసరం.