ఇస్లామాబాద్‌లోని షియా మసీదులో శుక్రవారం ప్రార్థనల సమయంలో జరిగిన ఆత్మాహుతి దాడిలో 31 మంది మరణించారు. ఈ దారుణానికి భారత్, ఆఫ్ఘనిస్తాన్ కారణమని పాకిస్థాన్ రక్షణ మంత్రి ఖవాజా ఆసిఫ్ ఆరోపించారు. తీవ్రవాదికి సరిహద్దు దాటి సంబంధాలు ఉన్నాయని ఆయన పేర్కొన్నారు.

అయితే, ఈ ఆరోపణలను భారత్ పూర్తిగా కొట్టిపారేసింది. తన దేశంలోని ఉగ్రవాదాన్ని అరికట్టలేక పాకిస్థాన్ ఇతరులపై నిందలు వేస్తోందని విదేశాంగ శాఖ స్పష్టం చేసింది. ఆధారాలు లేకుండా ఇరుగుపొరుగు దేశాలను నిందించడం బాధ్యతారాహిత్యమని ఆఫ్ఘనిస్తాన్ తాలిబన్ ప్రభుత్వం కూడా పాకిస్థాన్‌ను హెచ్చరించింది.