లాస్ ఏంజిల్స్‌లో జరిగిన ప్రతిష్టాత్మక ఆస్కార్ 2026 వేడుకల్లో భారతీయ మూలాలున్న నటి చరిత్రా చంద్రన్ అందరి దృష్టిని ఆకర్షించారు. నెట్‌ఫ్లిక్స్ సెన్సేషన్ ‘వన్ పీస్’ సిరీస్‌తో అంతర్జాతీయ గుర్తింపు పొందిన ఈ డస్కీ బ్యూటీ, ఇప్పుడు ఆస్కార్ రెడ్ కార్పెట్‌పై తనదైన శైలిలో మెరిసిపోయారు. హాలీవుడ్ అగ్ర తారల మధ్య చరిత్రా తన విలక్షణమైన గ్లామర్‌తో ఇంటర్నేషనల్ మీడియాలో హాట్ టాపిక్‌గా మారారు.

బాటిల్ గ్రీన్ కలర్ గౌన్‌లో చరిత్రా రెడ్ కార్పెట్ మీద నడుస్తుంటే అందరూ మంత్రముగ్ధులయ్యారు. ఆమె ఆత్మవిశ్వాసం, ఆకట్టుకునే హెయిర్ స్టైల్ ఆమెకు మరింత వన్నె తెచ్చాయి. ప్రముఖ అంతర్జాతీయ ఫ్యాషన్ మ్యాగజైన్లు ఆమెను ఈ ఏడాది ‘బెస్ట్ డ్రెస్డ్’ జాబితాలో అగ్రస్థానంలో నిలబెట్టాయి. అందంతోనే కాకుండా, ప్రపంచ శాంతిని కోరుతూ ఆమె తన డ్రెస్ మీద ‘Artists4Ceasefire’ పిన్ ధరించి తన సామాజిక బాధ్యతను కూడా చాటుకున్నారు.

చరిత్రా చంద్రన్ నేపథ్యం ఎంతో స్ఫూర్తిదాయకం. స్కాట్లాండ్‌లోని ఒక తమిళ కుటుంబంలో జన్మించిన ఆమె, చిన్నతనంలో తమిళనాడులోని ఈరోడ్ జిల్లాలో తన తాతయ్య, అమ్మమ్మల దగ్గర పెరిగారు. ఆ తర్వాత లండన్‌లోని ప్రఖ్యాత ఆక్స్‌ఫర్డ్ యూనివర్సిటీలో ఉన్నత చదువులు పూర్తి చేశారు. మొదట మేనేజ్‌మెంట్ కన్సల్టెంట్‌గా కెరీర్ ప్రారంభించినా, నటనపై ఉన్న మక్కువతో ఆ ఉద్యోగాన్ని వదిలేసి చిత్ర పరిశ్రమలోకి అడుగుపెట్టి నేడు అంతర్జాతీయ స్థాయికి ఎదిగారు.