ఆరావళి పర్వతశ్రేణుల రక్షణ విషయంలో సుప్రీంకోర్టు అత్యంత కఠినమైన నిర్ణయం తీసుకుంది. హర్యానా ప్రభుత్వం ప్రతిపాదించిన భారీ జూ సఫారీ ప్రాజెక్టును నిలిపివేయాలని అత్యున్నత నాయస్థానం ఆదేశించింది. ఈ ప్రాంతం పర్యావరణపరంగా చాలా సున్నితమైనదని, నిపుణులు స్పష్టమైన నిర్వచనం ఇచ్చే వరకు ఎటువంటి జోక్యం లేదా ప్రాజెక్ట్ నివేదికలను అనుమతించబోమని ప్రధాన న్యాయమూర్తి సూర్య కాంత్ నేతృత్వంలోని బెంచ్ స్పష్టం చేసింది.

పర్యావరణం పేరుతో అడవులకు నష్టం కలిగించడాన్ని సహించబోమని కోర్టు హెచ్చరించింది. రాజస్థాన్ మరియు హర్యానా సరిహద్దుల్లో విస్తరించి ఉన్న ఈ పర్వతాలలో కోర్టు అనుమతి లేకుండా మైనింగ్ లేదా నిర్మాణ పనులు చేపట్టడంపై పూర్తి నిషేధం విధించింది. వన్యప్రాణులు మరియు పర్యావరణ వ్యవస్థను కాపాడటంలో సుప్రీంకోర్టు తీసుకున్న ఈ నిర్ణయం పర్యావరణవేత్తలకు దక్కిన గొప్ప విజయంగా భావిస్తున్నారు.