ఆఫ్ఘనిస్తాన్‌లోని నంగర్హర్, పక్తికా మరియు ఖోస్ట్ ప్రావిన్సులపై పాకిస్థాన్ సైన్యం మెరుపు దాడులు నిర్వహించింది. నిషేధిత టీటీపీ మరియు దానేష్ ఉగ్రవాద శిబిరాలే లక్ష్యంగా జరిగిన ఈ వైమానిక దాడుల్లో సుమారు 80 మందికి పైగా ప్రాణాలు కోల్పోయారు. పాకిస్థాన్‌లోని బన్నూ, ఇస్లామాబాద్ ప్రాంతాల్లో ఇటీవల జరిగిన ఆత్మాహుతి దాడులకు ప్రతీకారంగానే ఈ కఠిన చర్యలు చేపట్టినట్లు భద్రతా వర్గాలు వెల్లడించాయి.

దోహా ఒప్పందానికి విరుద్ధంగా ఆఫ్ఘన్ భూభాగం నుండి ఉగ్రవాద కార్యకలాపాలు సాగుతున్నాయని పాకిస్థాన్ ఆరోపిస్తోంది. ఈ దాడుల్లో 70 మందికి పైగా ఉగ్రవాదులు హతమయ్యారని అంతర్గత వ్యవహారాల మంత్రి తా లాల్ చౌదరి ధృవీకరించారు. అయితే, తమ దేశంలో ఉగ్రవాద స్థావరాలు లేవని, పాక్ తన వైఫల్యాలను ఇతరులపై నెడుతోందని ఆఫ్ఘనిస్తాన్ ప్రభుత్వం ఈ దాడులను తీవ్రంగా ఖండించింది.